O mércores 1 de outubro o Club Waterpolo Pontevedra presentou na Piscina do Complexo Deportivo Rías do Sur a Campaña de promoción e sensibilización do deporte feminino galego.
Parte do equipo feminino de Primeira Nacional e o Presidente do CW Pontevedra, Alberto López Penide, contando coa presenza e apoio de Serafín Piñeiro, Presidente de la Fundación Rías do Sur, acompañaron a Blanca García-Señoráns, Directora Territorial da Consellería de Presidencia, Xustiza e Deportes na provincia de Pontevedra.
Unha campaña da Secretaría Xeral para o Deporte coa que o CW Pontevedra colabora, co obxectivo da promoción e sensibilización sobre a necesidade e beneficios da práctica deportiva feminina, así como a loita pola igualdade efectiva entre homes e mulleres no ámbito deportivo.
Con motivo desta campaña, o CW Pontevedra continuará desenvolvendo a promoción do waterpolo feminino para nenas desde 8 anos en diante, para dar a coñecer este deporte e fomentar a súa práctica entre a poboación feminina. Con iso o club pontevedrés busca incrementar o número de nenas e mozas practicantes do waterpolo, deporte no que o CW Pontevedra é referente galego cun equipo en Primeira División Nacional Feminia desde fai catro tempadas.
O CW Pontevedra adicará o partido CW Pontevedra-CDW Málaga, da Xornada 5 da Liga de Primeira División Nacional Feminina de Wáter-Polo,que se disputará o Sábado 15/11/2025 ás 16:15 h no Complexo Deportivo Rías do Sur de Pontevedra, á Campaña de promoción e sensibilización do deporte feminino galego.
COMPÁRTELO!!
