O Club Waterpolo Pontevedra presentou este xoves o partido de Liga Nacional Feminina co que conmemorará a Promoción e sensibilización do deporte feminino xunto coa Secretaría Xeral para o Deporte. O acto tivo lugar na piscina do Complexo Deportivo Rías do Sur, onde se desenvolven os adestramentos e celebran os partidos do CW Pontevedra, contando coa presenza e apoio de Pablo Caamaño, Coordinador deportivo da Fundación Rías do Sur.
O club pontevedrés dedicará o partido do próximo sábado 15 de novembro (17:45 h) á campaña de Promoción e sensibilización do deporte feminino, coa que pretende, entre outros obxectivos:
– Visibilizar o deporte feminino,
– Promover a igualdade de xénero no deporte,
– Previr e erradicar a violencia de xénero no deporte,
– Empoderar ás mulleres a través do deporte.
Neste partido, no que o CW Pontevedra enfrontarase ao CDW Málaga, as deportistas portarán a imaxe de NON Á VIOLENCIA DE XÉNERO.
COMPÁRTELO!!
